注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

Bear in Mind Ox

股價相對內在值大打折扣時買入 持有直至趨勢轉

 
 
 

日志

 
 

財爺食飯大過天 派錢細節得個吉  

2011-03-26 18:32:27|  分类: 綜合報道 |  标签: |举报 |字号 订阅

  下载LOFTER 我的照片书  |

古語云:「王者以民為天,而民以食為天。」特區高官啱啱相反,自己食飯大過天,市民有冇飽飯食?話之你啦!呢,財爺曾俊華就係人辦中嘅人辦嘞。


立法會財委會尋日召開特別會議,討論預算案嘅派錢措施,鬍鬚曾被召解畫。大家都知啦,派錢方案至今「零細節」,點派法?幾時派?一次過定分期攞?

一切懸而未決,議員提問連珠炮發,兩個鐘頭嘅會議梗係唔夠喉啦,於是,會議結束前十五分鐘,主席劉慧卿按慣例問鬍鬚曾能否留耐啲,畀議員問到清楚為止。

財委會主席劉慧卿要求「食飯要緊」的財政司司長曾俊華多留一會,讓議員完成提問。

財委會主席劉慧卿要求「食飯要緊」的財政司司長曾俊華多留一會,讓議員完成提問。


你估鬍鬚曾點答呢?佢話:「主席,我仲有其他嘢做,我仲未食飯。」叮!真係豈有此理。

有人話,官字兩個口,上口奉承,下口吃錢,原來特區嘅飯桶官員,上口食飯,下口都係食飯。既然食飯咁緊要咯喎,民生福祉、政策事務梗係統統掃埋一旁,容後再議啦!

 

政府考慮經全港 1,200間銀行分行向市民派錢。

政府考慮經全港 1,200間銀行分行向市民派錢。


散會後鬍鬚曾去咗邊間大酒店鋸扒飲紅酒,不得而知,但一定唔係同升斗市民逼茶餐廳、食粟米斑塊飯,事關佢講過,自己唔鍾意食粟米,亦唔鍾意食斑塊。不過,佢知唔知道,幾多基層市民生活捉襟見肘,平日醫肚連叫碟粟米斑塊飯都要計過度過?

佢又知唔知道,派錢六千蚊,對佢嚟講可有可無,但對好多貧窮家庭就係能解燃眉之急嘅及時雨?望穿秋水等政府早日公布細節、盡快派錢嘅市民,聽到鬍鬚曾呢句「未食飯」,真係隨時激到連飯都食唔落。


結果呢,鬍鬚曾只係留多十分鐘咁大把,有冇誠意,有冇承擔,市民自有判斷。

當然啦,議員對派錢細節窮追猛打,最終梗係問嚟問去得個吉啦,好似派錢有乜手續、十八歲定義條界點劃,呢啲市民最關心嘅問題,鬍鬚曾同班官員一句都答唔到,只識舊調重彈話考慮透過銀行戶口過數。

全程最清晰嘅答案,係講明四月十三號預算案表決前,派錢措施都無可能落實,你話係咪令人噴飯吖!


其實,港府嘅派錢措施,市民至今疑問多多,鬍鬚曾絕對有責任向議員詳細解釋。

尤其佢最近公布注資十五億元入關愛基金,向新移民「補派」六千蚊,但就設下嚴苛嘅入息審查門檻,被炮轟搞「分化再分化」。

鬍鬚曾唔識把握機會解畫,反而一味掛住食飯,智慧欠奉,承擔全無。有政黨計劃對鬍鬚曾提不信任動議,計太一叮話齋,不如直接提個「鬍鬚曾落台返歸食飯」議案啦,肯定好多人舉腳贊成呀。叮!

  评论这张
 
阅读(235)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017